Талапкерлерді кешенді тестілеу (ТКТ)

ТКТ-ға қатысушылар:

- өткен жылдардың бітірушілері;

- жалпы білім беретін пәндер бойынша ағымдағы жылғы халықаралық олимпиадалардың қатысушылары;

- шетелде оқушылардың халықаралық алмасу желісі бойынша білім алушылар мен ҰБТ-ға қатыспағандар;

- республикалық музыка мектеп-интернаттарының бітірушілері;

- бастауыш және орта кәсіптік білім беру ұйымдарының бітірушілері;

- шетелде білім беру ұйымдарын бітірушілер.

Кешенді тестілеуге қатысуға өтініштерді қабылдауды 20 маусым мен 9 шілде, шығармашылық мамандықтарға өтініштерді қабылдауды 20 маусым мен 1 шілде аралығында жоғары оқу орындарының қабылдау комиссиялары жүргізеді.

ТКТ 4 пән бойынша жүргізіледі: қазақ немесе орыс тілі (оқыту тілі), Қазақстан тарихы, математика және мамандыққа байланысты таңдау пәні (география, физика, биология, химия, қазақ әдебиеті (орыс әдебиеті), шет тілі).

ТКТ 37 ЖОО-ның базасында 17-23 шілде аралығында өткізіледі.

Әрбір пән бойынша тест тапсырмаларының саны - 25. Әрбір тест тапсырмасының дұрыс жауабы бір балмен бағаланады.

Шығармашылық мамандыққа түсуші азаматтар үшін кешенді тестілеудің екі пәні бойынша балдары есептелінеді: қазақ немесе орыс тілі және Қазақстан тарихы.

Кешенді тестілеуге 2 сағат 30 минут бөлінеді. Тестілеуді қайта тапсыруға рұқсат етілмейді.

ТКТ-ға қатысу үшін талапкер ЖОО-ның қабылдау комиссиясына белгіленген үлгідегі бланкіде өтінішін, кәсіптік бастауыш (техникалық және кәсіптік) немесе кәсіптік орта (ортадан кейінгі) оқу орнын бітіргендігі туралы аттестатын немесе дипломын (түпнұсқа), тестілеу өткізу ақысын төлегендігі туралы түбіртекті (квитанция), 3х4 көлеміндегі екі фотосуретті, 086-У нысанындағы медициналық анықтаманы, сондай-ақ жеке басын куәландыратын құжаттың көшірмесін тапсырады.

Сілтемелер